Համո Սահյան
Նշենիներն արթնացել,
Իրար գլխով են անում
Եվ հրճվում են, որ իրենք
Առաջինն են արթնանում:
Ձնծաղիկն է ծիծաղում
Լացակումած մի թմբից,
Կարմիր գլխիկն է հանում
Դաղձը խոնավ իր ճմբից:
Ցանկապատի մի ճեղքից
Եղինջն իր աչքն է բանում,
Ծիլը թեթև ժպիտով
Ծանր հասկ է խոստանում:
Ծանոթ խոսքեր է ասում
Լեզուն բացված մի առու,
Եվ առուները բոլոր
Ձայն են տալիս իրարու:
գարնանամուտ-գարնան սկիզբը
հրճվել-շատ ուրախանալ
լացակումած-այստեղ՝ թաց
ճումբ-կոշտ հողի կտոր, հողակոշտ
Առաջադրանքներ
1.Դուրս գրիր քեզ դուր եկած հատվածները:
Ցանկապատի մի ճեղքից
Եղինջն իր աչքն է բանում,
Ծիլը թեթև ժպիտով
Ծանր հասկ է խոստանում:
2.Դուրս գրիր գործողություն ցույց տվող բառերը:
Արթնացել, գլխով են անում, հրճվում են, ծիծաղում է, հանում է, բանում է, խոստանում է, ասում է, ձայն են տալիս։
3.Շարունակիր.
Երբ գարունը գալիս է, ժպտում է շուրջբոլորը։
Երբ ծառերը ծաղկում են, թռչուները ետ են գալիս։
Երբ արևը ժպտում է, ծաղիկները արթնանում են։